Ish-banori i “Big Brother VIP 4”, këngëtari Kelly, ishte i ftuar sot në emisionin “Shqipëria Live”,
ku komentoi disa prej zhvillimeve më të fundit në shtëpinë më të famshme në Shqipëri.
Një nga momentet më të diskutuara ishte padyshim takimi mes Eglit dhe ish-partnerit të saj, aktorit Olsi Bylyku.
Gjatë bisedës me moderatoren Sidorela Gjoni, Kelly ndau detaje nga ky takim, si dhe nga një bisedë që kishte pasur me Olsin pas ngjarjes.
“Egli ishte më tepër në siklet, edhe Olsi ishte pak i kontraktuar, në fillim se pastaj biseda mu duk e natyrshme” – u shpreh Kelly, duke shtuar se ishte një moment i bukur dhe i rrallë për ekranin shqiptar.
Ai tregoi gjithashtu se një ditë pas takimit, kishte komunikuar me Olsin:
“Ishte shumë i qetë. Ndihej mirë, dukej sikur ka nxjerrë diçka nga vetja për atë që mendonte. Sigurisht që atë që ka menduar e ka thënë, ishte një mesazh shumë i mirë për njerëzit se si duhet t’a menaxhojnë ndoshta një ndarje, një gjë që ka kaluar dhe mundohen të marrin më të mirën e asaj gjëje..”
Kelly shtoi se takimi u zhvillua me mbështetjen e partneres aktuale të Olsit, e cila ishte një nga shtysat që ai të pranonte të përballej me Eglin në shtëpinë e BBV.