Mes emocioneve të forta, lotëve dhe shtrëngimit të duarve të njëri-tjetrit, Princ Leka dhe Blerta Celibashi rrëfyen për herë të parë historinë e tyre të dashurisë, atë histori që prej muajsh është përfolur si e ndaluar dhe që erdhi pas një tradhtie.
Ishte Princi ai i cili fillimisht rrëfeu se ndarja mes tij dhe Elia Zahrisë erdhi në disa faza, fillimisht ishte ajo emocionale, më pas distancomi dhe në fund divorci. Sipas tij, ata kanë jetuar në të njëjtën shtëpi, mirëpo përpos me vajzën, nuk ka pasur asnjë kontakt me ish-bashkëshorten e tij.
“Kemi pasur një raport korrekt. Ndarja ka ardhur me fazë të ndryshme, ka qenë ajo faza emocionale, distancimi, kemi jetuar në një shtëpi, por të distancuar, kam qëndruar vetëm me vajzën, por nuk kishim kontakt, as fizik. Herë pas here kemi qenë për mediat, foto, një kartolinë e bukur, por krejtësisht falso. Ka qenë faza ligjore,” tha ai në “Mirëmbrëma Yje”, teksa më tej vijoi duke dhënë dhe një sqarim për publikun se në asnjë moment nuk ka pasur tradhti dhe se historia e tij me Blertën filloi atëherë kur dhe marrëdhënia e tij me Elian kishte përfunduar.
Madje sipas asaj që Princi tha aktorja ka qenë ajo që është vënë e para në dijeni lidhur me marrëdhënien e re të dashurisë mes tij dhe Blertës.
LEXO EDHE
-
-
-
“Me të gjithë këto strese, edhe Blerta ka qenë viktimë e të gjitha sulmeve, narrativeve që nuk ishin reale. Nuk ka pasur tradhti. Personi i parë që unë kam njoftuar për lidhjen time me Blertën, ka qenë pikërisht Elia. I kam thënë Elias para se të përqafohesha me Blertën, që jam takuar me Blertën”, tha ai.
Ndërkohë që më tej u ndal dhe te video, te ajo video që bëri aq bujë në rrjet ku ish-bashkëshortja e tij, Elia Zaharia dhe babai i kësaj të fundit shfaqeshin në një kornizë të cilën më herët nuk e kishim hasur në Familjen Mbretërore.
Princi u shpreh i penduar që atë filmim e dorëzoi në Polici dhe se është ndjerë i “tradhëtuar” kur pa që video rrodhi në internet.
“Sa i përket videos së publikuar, Leka u shpreh i penduar që e dorëzoi në polici: “E pranoj që gabova, nuk duhet të kisha dhënë asnjëherë videon, ta mbaja për gjyqin sepse ishte një goditje e drejtpërdrejtë. Ne kemi përjetuar një sulm. Ishte një sulm mediatik, një sulm ligjor… Pastaj si janë trajtuar filmimet dhe kanë dalë në publik, jam ndjerë i tradhtuar nga ata që kanë publikuar”, shtoi Princi.
Ndërkohë nga ana tjetër, vetë Blerta Celibashi hodhi poshtë thashethemet që prej muajsh kanë qarkulluar në rrjet, lidhur me miqësinë e saj me Elian. Mes lotësh, fotografia tregoi se asnjëherë nuk ka qenë shoqe me aktoren dhe se u përfshi në një “telenovelë” që sipas saj nuk kishte asnjë lidhje me realitetin.
“Në mënyrë kategorike nuk kam qenë asnjëherë shoqe me Elian. E di që ky është një nga ato elementët që e krijojnë telenovelën më interesante, por është shumë abuzive që kanë shpifur deri në këtë pikë. Kjo është e vërteta ime”, u shpreh ajo.
