Egli Tako duket se ka marrë një qasje krejtësisht të re pas rikthimit në Big Brother VIP Albania.
Në ndryshim nga më parë, ajo po mban distancë jo vetëm nga Gjesti, por edhe nga Rozana Radi, me të cilët kishte pasur një raport të ngushtë më parë.
Teksa në shtëpi zhvilloheshin diskutime të ndryshme, Egli pati një moment tensioni me Gjestin, duke i kërkuar që të marrë përgjegjësi për veprimet e tij:
“Nuk kam ardhur këtu të të sulmoj as asgjë, bëhu burrë dhe mbaj përgjegjësitë e tua. Vetëm kaq dua të të them.”
Gjestit nuk i pëlqeu kjo deklaratë dhe iu kundërpërgjigj shkurt: “A s’paskam qenë burrë a?”
Më pas ai u largua nga oborri, duke lënë Eglin vetëm jashtë.
Ky moment konfirmon se marrëdhënia mes tyre është më e ftohtë dhe më e tensionuar pas rikthimit të Eglit në shtëpi.