Kiara Tito ka njoftuar ndarjen nga jeta të gjyshes së saj, Maria, në moshën 94-vjeçare.
Lajmi është bërë publik nga vetë moderatorja përmes një postimi në rrjetet sociale, ku ndau dy momente personale nga albumi familjar: një foto pranë gjyshes gjatë shtatzënisë dhe një tjetër ku vajza e saj, Luna Mari, përqafon stërgjyshen.
“Lamtumirë Nana Maria e dashur. Do më mungojë gjithmonë zëri yt, përqafimi yt dhe lutjet e tua. U prehsh në paqe,” shkroi ajo në dedikimin e saj.
Për Kiarën, kjo është një humbje e rëndësishme familjare, por gjithashtu një kujtim i ruajtur me dashuri përmes brezave.
