Transgjinorja Amber ka arritur të bëhet një nga figurat më të komentuara që në orët e para të hyrjes në Big Brother VIP.
Ajo ka tërhequr vëmendjen jo vetëm për mënyrën e lojës së saj, por edhe për një detaj që ka bërë xhiron e rrjeteve sociale: ngjashmëria e saj me ish-konkurrenten Efi Dhedhes.
Kjo ngjashmëri ka nxitur shumë diskutime mes ndjekësve të programit, duke e kthyer Amberin në një nga emrat më të përmendur në mediat online. Shumë përdorues kanë komentuar mbi pamjen e saj, duke bërë krahasime të shumta me Efin.
Nga ana tjetër, Efi nuk ka qëndruar indiferente ndaj kësaj çështjeje. Në një reagim të saj në rrjetet sociale, ajo ka shprehur mendimin për këtë krahasim, duke e marrë situatën me sportivitet dhe duke falënderuar publikun për vëmendjen.
“Një ditë e bukur sot, sepse gjithmonë kam ëndërruar të bëhem meme. Nuk e di pse jam kaq serioze, nuk e di pse s’më keni bërë asnjëherë meme. Gjithsesi, kjo ndryshoi, sepse tashmë unë jam futur në Big Brother, po, në trupin e Amberit. Falënderoj Amberin që po më përfaqëson dhe uroj të më përfaqësojë denjësisht“, thotë Efi përmes një videoje që ka publikuar në Instagram.