Eshtë ndarë në mënyrë të parakohshme nga jeta, në moshën 57-vjeçare mësuesja Leticja Mujo. Arsimtarja që prej vitesh mësonte breza të tërë nxënësish në një nga shkollat jo publike të qytetit ka humbur jetën si pasojë e një sëmundjeje të rëndë.
Në një postim në rrjete sociale, shkolla “Vinçens Prendushi” shpreh dhimbjen për këtë humbje të pazëvendësueshme.
“Ajo ishte shembull frymëzimi, jo vetëm si mësuese që ndezi dritën e dijes te breza të tërë nxënësish, por edhe si mike e pazëvendësueshme, që dinte të të ngrohte shpirtin me fjalën e mirë dhe buzëqeshjen e saj.
Përjetësisht mirënjohës për gjithçka që dhuroi, e përcjellim me dhimbje, por edhe me krenari që patëm fatin t’a kishim pranë”,- shkruhet ndër të tjhera në postim.
Postimi i plotë:
Me pikëllim të thellë morëm lajmin e ndarjes së parakohshme nga jeta të mësueses dhe mikes sonë të shtrenjtë Leticja Mujo. Një sëmundje e rëndë na e mori shumë herët, por kujtimi i saj, përkushtimi, mirësia dhe dashuria që shpërndante do të mbetet përgjithmonë në zemrat tona.
Ajo ishte shembull frymëzimi, jo vetëm si mësuese që ndezi dritën e dijes te breza të tërë nxënësish, por edhe si mike e pazëvendësueshme, që dinte të të ngrohte shpirtin me fjalën e mirë dhe buzëqeshjen e saj.
Përjetësisht mirënjohës për gjithçka që dhuroi, e përcjellim me dhimbje, por edhe me krenari që patëm fatin t’a kishim pranë.
Qoftë i paharruar kujtimi i saj!
Mësuesja Leticja Mujo do të shoqërohet për në banesën e fundit pasditen e kësaj të premteje, në orën 16.00.