Një influencere e njohur me pseudonimin Esmeralda FG, bashkëshorti i saj Roberto Carlos Gil Licea dhe dy fëmijët e tyre, Gael Santiago 13 vjeç dhe Regina 7 vjeç, janë gjetur të vrarë brenda një furgoni në Guadalajara, Meksikë.
Trupat u zbuluan brenda një Ford Ranger të braktisur të premten e kaluar, ndërsa identitetet e tyre u konfirmuan ditën e enjte.
Familja ishte transferuar në metropolit të Guadalajarës vetëm disa muaj më parë për punë. Roberto merrej me tregtinë e automjeteve dhe kultivimin e domateve në Michoacán. Autoritetet mendojnë se vrasjet lidhen me aktivitetet e tij biznesore dhe jo me aktivitetin online të Esmeraldës.
LEXO EDHE
-
-
-
Policia ndoqi lëvizjet e furgonit përmes kamerave CCTV, gjë që i çoi tek një servis mekanik pranë vendit. Prokurori Alfonso Gutiérrez Santillán deklaroi se provat ballistike dhe gjurmët e gjakut sugjerojnë se familja u vra pikërisht aty. Dy punëtorë u morën në pyetje dhe më pas u liruan për mungesë prove.
Më pas, dy prej tyre u takuan me dy persona të tjerë, por grupi u sulmua nga të armatosur dhe tre prej tyre u rrëmbyen, ndërsa një person arriti të shpëtojë. Autoritetet po kërkojnë personin e mbetur për të marrë deklaratën e tij.
Esmeralda kishte ndërtuar një bazë ndjekësish prej 18,000 personash në rrjetet sociale, ku postonte për udhëtime, stil jete dhe lip-sync me këngë “narcocorrido”.
Policia vazhdon hetimet për të gjetur autorët e krimit dhe motivet e vrasjes.
