Ish-bashkëshorti i Parashqevi Simakut, ka folur për herë të parë pas rishfaqjes së këngëtares në rrugët e Nju Jorkut si e pastrehë.
Rober Nolfe është shprehur se rishfaqja e Parashqevi Simakut ka qenë një çast emocional për të, por është shoqëruar edhe me kërcënime.
“Është një çast emocional në jetën time, është një çështje brenda familjes që është bërë publike djhe ka dalë jashtë kontrollit dhe ka shumë keqinformim.
Nuk mund të them mjaftueshëm, jam ende i shokuar. Nuk e kam problem që njerëzit më keqkuptojnë mua, por problemi është se po më kërcënojnë mua dhe familjen.
Kam edhe një vajzë 10-vjecare dhe nuk dua të jetë e përfshirë në këtë. Njerëzit po i bëjnë fotografi dhe thonë se ajo duhet të paguajë për këtë”, tha ai për emisionin Top Story.
Gjithashtu theksoi se këngëtarja u zhduk për të gjithë, ndërsa shton se sot ajo ka folur me djalin e tyre.“ Unë dua që familja të ribashkohet dhe dua që ajo të jetë thesari i humbur që është rigjetur”, tha ai.
Është një histori e gjatë familjare. Kur ajo u zhduk, ajo u zhduk prej të gjithëve, prej meje, prej Lukës..
Sipas tij, i vetmi rast kur djali ra dakord ta takonte nënën e tij ishte sot, pas ndërmjetësimit të Elton Ilirjanit.
“Ne kemi pyetur nëse donte ta takonte dhe ai ka thënë jo deri dje. Sot e pyeta nëse ishte i gatshëm dhe ai tha po. Unë i kam dhënë një deklaratë me shkrim Eltonin, dua vetëm që familja të ribashkohet dhe ajo të jetë thesari i humbur që është rigjetur. Fundi është i bukur dhe kjo histori do të mbarojë e bukur”, tha Nolfe.
Robert Nolfe: Nuk arrin ta kuptosh kur dikush zhduket, kjo është tragjedia. Si familje, por edhe si shtet nuk i jemi përgjigjur asaj. Por nuk kisha zgjedhje, duhej të kujdesesha për djalin. Në gjykatë kishte shumë persona për tu kujdesur për të. Ishim dy artistë që bëmë shumë për të qëndruar bashkë, por nuk ecën.
Nuk kam dashur kurrë ta lëndoj. Është thënë se unë e kam lënduar, i rrëmbeva Lukën, shfruytëzova kontaktet për ti bërë keq, por nuk ka qenë kështu.
Ajo foli sot me Lukën. Është në interesin tim ta shoh se është mirë. Para 5 vitesh ndoshta ndjehesha ndryshe, që duhej të mbroja djalin tim. Ai është i ri tani dhe që kur ka qenë 10 vjec i është marrë mendimi i tij. Foli sot me nënën e tij. E pyeta nëse ishte i gatshëm dhe ai tha po.
Unë dua që familja të ribashkohet dhe dua që ajo të jetë thesari i humbur që është rigjetur