Një 13-vjeçare nga Kosova, dyshohet se është mes viktimave
të sulmit vdekjeprurrës në një shkollë fillore në qytetin Graz të Austrisë, raportojnë mediat në Kosovë
Presidentja Vjosa Osmani ka thënë se ky sulm është i tmerrshëm dhe se shkollat nuk duhet të jenë vende dhune dhe terrori.
“Ne mendojmë për familjet që humbën të dashurit e tyre dhe qëndrojmë me popullin e Austrisë gjatë kësaj kohe të dhimbshme. Lutemi për shërim të plotë të të plagosurve dhe për shërim në ditët në vijim”, ka shkruar Osmani në platformën “X”.
Të paktën 10 persona humbën jetën kur një person qëlloi me armë zjarri në një shkollë në Graz, konfirmoi policia austriake.
Mediat austriake kanë raportuar se 30 persona kanë mbetur të plagosur në të shtënat. I dyshuari për sulmin ishte ish-nxënës i shkollës, i cili raportohet se vrau veten pas sulmit.