Një defekt teknik i pazakontë, por fatal,
është zbuluar si shkaku kryesor i rrëzimit të avionit të Air India (fluturimi AI-171),
që mori jetën e 247 personave, shumica studentë të mjekësisë. Tragjedia ndodhi kur avioni Boeing 787 u përplas në një godinë banimi në Indi vetëm pak sekonda pas ngritjes nga aeroporti i Ahmedabadit.
Sipas raportit paraprak të Autoritetit Indian për Hetimin e Aksidenteve Ajrore (AAIB), sedilja e komandantit rrëshqiti papritur prapa gjatë ngritjes, duke shkaktuar një zinxhir gabimesh që rezultoi në humbje totale të kontrollit të avionit.
Çfarë ndodhi në kabinën e pilotëve?
Nga të dhënat e kutisë së zezë del në pah një skenar dramatik:
Sedilja e komandantit u lirua papritur për shkak të një defekti në sistemin e sigurisë; Si pasojë, trupi i tij shtyu levat e fuqisë në pozicion neutral, duke i ndalur motorët; Kopiloti u përpoq të rikthejë fuqinë, por pozicioni i komandantit e bllokonte; Vetëm 38 sekonda pas defektit, avioni u përplas me tokën.
Hetimet zbuluan më shumë:
Sedilja ishte riparuar vetëm 11 ditë para aksidentit, por nuk ishte testuar pas mirëmbajtjes; Në rrënojat e avionit u gjetën vida sigurie të thyera; Sistemi i levave të fuqisë në këtë model nuk ka mbrojtje ndaj tërheqjes aksidentale – një detaj që do të diskutohet gjerësisht në samitet e ardhshme të sigurisë ajrore.
Eksperti i aviacionit Grigoris Konstantelos theksoi:
“Aviacioni është ende forma më e sigurt e transportit. Por kur dështojnë elementët më të vegjël, pasojat janë të mëdha. Ky aksident duhet të shërbejë si mësim për gjithë industrinë.”
Raporti përfundimtar do të publikohet më 30 korrik 2025, ndërsa në gusht pritet një samit ndërkombëtar për sigurinë në fluturim, ku ky aksident do të jetë në qendër të debatit.