Një ngjarje e rëndë ka ndodhur ditën e sotme në fshatin Menkulas të Devollit, ku një zetor ka dalë nga rruga dhe është përmbysur, duke zënë poshtë drejtuesin e tij.
Sipas informacioneve paraprake, drejtuesi i mjetit bujqësor është një 75-vjeçar, i cili ndodhej i vetëm në momentin e aksidentit.
Ende nuk ka një njoftim zyrtar nga autoritetet për gjendjen shëndetësore të moshuarit, nëse ai ka ndërruar jetë apo ndodhet ende gjallë.
Policia ndodhet në vendngjarje dhe ka nisur hetimet për të zbardhur shkaqet e aksidentit.
Paraprakisht dyshohet se zetori ka humbur kontrollin për shkak të terrenit të vështirë dhe është përmbysur në një kthesë.