Egli Tako, një nga figurat më të spikatura të “Big Brother VIP Albania 4”, ka vijuar të mbetet në qendër të vëmendjes edhe pas përfundimit të spektaklit.
Përveç lidhjes së saj me Gjestin dhe debateve të shumta që përjetoi në shtëpi, Egli ka krijuar edhe momente të ndjera që prekën publikun.
Një nga këto momente u bë virale vetëm pak javë pas nisjes së edicionit, kur ajo u surprizua nga nëna e saj gjatë spektaklit.
E prekur dhe me lot në sy, Egli shpërtheu duke thënë: “Oj nëna ime, oj nëna ime, më ka marrë malli.” Emocioni i saj i sinqertë preku shumë ndjekës, por, siç ndodh shpesh në rrjetet sociale, shprehja e saj u kthye shpejt në meme dhe video humoristike.
Mbrëmjen e djeshme, Egli bëri për herë të parë një reagim publik për këtë moment viral. Ajo ka treguar se e ka pritur me sportivitet gjithë situatën dhe madje ka ndarë një video komike me aktorin Visjan Ukcenaj në InstaStory, ku ka shkruar: “Oj nëna ime.”
Ky reagim me humor e ka bërë Egli Takon edhe më të dashur për publikun, duke treguar se di ta marrë me sportivitet edhe atë që për të ishte një moment i ndjeshëm.