Xheneta Fetahu ishte e ftuar këtë të shtunë në emisionin “Fiks Fare”, ku ndau disa mendime dhe vlerësime në lidhje me marrëdhënien e saj me Gjestin, banorin aktual të Big Brother VIP Albania 4.
Gjatë intervistës, Xheneta u shpreh se Gjesti ruan ende ndjenja për të.
Ajo përmendi disa momente që sipas saj tregojnë qartë këtë fakt, duke përfshirë dhe një deklaratë të bërë nga Gjesti së fundmi, ku ai e cilësoi hyrjen e Xhenetës në shtëpi si momentin më të bukur të përjetuar gjatë këtij formati.
“Ai Xhenetën e ka në zemër. Ai u dridh kur unë u futa në Big,” tha Xheneta gjatë bisedës në studio.