Mëngjesin e sotëm ka ndërruar jetë edhe 14-vjeçari i cili po udhëtonte bashkë me 16-vjeçarin i cili humbi jetën mbrëmjen e djeshme pas aksidentit me motomjet.
Aksdienti i rëndë ndodhi mbrëmjen e djeshme në vendin e quajtur “Stom Golem”.
Sipas informacioneve paraprake, mësohet se i mituri 16-vjeçar ka humbur kontrollin e motomjetit që po drejtonte dhe ka dalë nga rruga, duke gjetur vdekjen e menjëhershme.
Ndërkohë, 14-vjeçari u transportua me urgjencë në spital në gjendje të rëndë shëndetësore, por fatkeqësisht nuk arriti t’i mbijetonte plagëve të marra.
Njoftimi i policisë mbrëmjen e djeshme:
Shkodër/Informacion paraprak
Rreth orës 18:20, në vendin e quajtur “Stom Golem”, dyshohet se një i mitur 16-vjeçar, duke drejtuar një motomjet, ka humbur kontrollin mbi drejtimin e motomjetit dhe për pasojë motomjeti ka dalë nga rruga, ku 16 vjeçari ka humbur jetën në vendin e ngjarjes.
Në motomjet dyshohet se udhëtonte dhe një i mitur 14-vjeçar i cili u dërgua në spital në gjëndje të rëndë shëndetësore