Leonardo Gashi, i cili luajti një rol kyç në eliminimin e Gjestit nga
Big Brother VIP Kosova 3, tani duket se e mbështet atë në rrugëtimin e tij të ri në Big Brother Albania.
Në edicionin e tretë të BBVK, gjatë një avantazhi që Leonardo kishte në lojë, ai vendosi të dërgojë Gjestin dhe Drilon Ramën në një televotim kokë më kokë.
Ky vendim rezultoi fatal për Gjestin, i cili u eliminua nga spektakli. Megjithatë, kjo nuk e ndali atë të vazhdojë karrierën e tij televizive, pasi ai iu bashkua Big Brother Albania, ku po shfaqet si një nga konkurrentët më të pëlqyer dhe të komentuar të momentit.
Pas hyrjes së Gjestit në BB Albania, Leonardo ka postuar një video në makinë në rrjetet sociale, ku shkruan: “Ka puls”, duke lënë të kuptohet mbështetjen e tij për famën dhe suksesin që Gjesti po arrin në këtë edicion.
Ky postim ka tërhequr vëmendjen e ndjekësve, duke nxitur diskutime dhe komente për marrëdhënien e dy ish-konkurentëve.
Ndërkohë, Gjesti po shijon qëndrimin e tij në Big Brother Albania, ku ka arritur të fitojë zemrat e publikut me karakterin e tij të veçantë dhe lojën strategjike. Ai po bëhet gjithnjë e më i dashur për audiencën, duke fituar një vend të veçantë si një nga konkurrentët më të fortë të këtij sezoni.
Publiku po pret me padurim të shohë se si do të zhvillohet loja e tij dhe nëse ai do të arrijë të jetë një nga finalistët e këtij edicioni.