Një banesë pothuajse është shkrumbuar nga flakët mbrëmjen e sotme në fshatin Gurishtë–Shilbatër, Njësia Administrative Tregan, në Elbasan.
Dyshohet se shkak i flakëve është një shkëndijë elektrike, ndërsa përhapja e shpejtë e flakëve është favorizuar edhe nga era e fortë.
Drejt vendngjarjes janë nisur mjetet zjarrfikëse nga Bashkia Elbasan për të vënë situatën nën kontroll dhe për të shmangur rrezikun e përhapjes së zjarrit në banesat përreth
Raportohet se banesa i përket shtetasit Arif Paeshti dhe si pasojë e zjarrit, katër anëtarë të familjes së tij kanë mbetur në qiell të hapur, në një kohë kur temperaturat në zonë janë mjaft të ulëta dhe shënojnë vlera negative.
LEXO EDHE
-
-
-
Po ashtu bëhet me dije se nuk raportohet për persona të lënduar, ndërsa dëmet materiale janë të konsiderueshme.
Policia ndodhet në vendngjarje dhe po punon për zbardhjen e plotë të rrethanave të ngjarjes.
