Një aksident ka ndodhur rreth orës 17:00 në zonën e Kasmilit. Sipas raportimeve nga policia, dy vëllezër francezë, teksa lundronin jashtë zonës së sigurisë me jet ski, janë përplasur me njëri-tjetrin dhe për pasojë ka mbetur i plagosur I.I., 22 vjeç.
I riu është dërguar në spital për të marrë ndihmë mjekësore ndërsa autoritetet kanë nisur hetimet për rastin në fjalë.
Mësohet se mjetet lundruese janë bllokuar nga policia detare ndërsa grupi hetimor por kryen veprimet procedurale dhe hetimore, me qëllim zbardhjen e plotë të rrethanave të ngjarjes.
Njoftimi i Policisë
Sot, rreth orës 17:00, në zonën e Ksamilit, duke lundruar jashtë zonës së sigurisë, dy vëllezër, shtetas francezë, A. I., 25 vjeç dhe I. I., 22 vjeç, dyshohet se, gjatë lëvizjes me jet ski pranë njëri-tjetrit, 25-vjeçari ka humbur kontrollin mbi drejtimin e mjetit lundrues, duke u përplasur me mjetin lundrues të vëllait të tij, i cili është rrëzuar në ujë dhe ka pësuar dëmtime.
Pas ndihmës së parë të dhënë nga Njësia Policore Detare Sarandë, 22-vjeçari I. I. është transportuar në spital, ku ndodhet jashtë rrezikut për jetën.
Nga ana e Policisë Kufitare Sarandë është bërë bllokimi i dy mjeteve lundruese (jet ski) dhe do të kryhen verifikimet për shkeljet e konstatuara dhe në vijim do të merren masat administrative përkatëse, sipas legjislacionit në fuqi, ndaj dy pronarëve të këtyre mjeteve.
Ndërkohë, grupi hetimor në Komisariatin e Policisë Sarandë po kryen veprimet procedurale dhe hetimore, me qëllim zbardhjen e plotë të rrethanave të ngjarjes.