Pas shtatë vitesh në ekranin e Top Channel, Argjira Spanca ka njoftuar largimin e saj nga televizioni ku u bë e njohur për publikun.
Në një mesazh të shpërndarë në rrjete sociale, Spanca konfirmoi se nuk do të jetë më pjesë e emisionit “E Diell”.
“Edhe sot më kujtohet dita e parë kur e nisa këtë rrugëtim. Isha një vajzë që nuk e kishte aspak në plan televizionin…
Dhe pikërisht aty nisi gjithçka”, shkruan ajo në postimin e saj, duke shtuar se vendimi për t’u larguar lidhet me dëshirën për të nisur një etapë të re profesionale.
“Shpresoj që shumë shpejt të shihemi sërish – në projekte të reja, ndoshta ndryshe, por gjithmonë me të njëjtën dashuri,” përfundon mesazhin e saj prezantuesja.