Një ngjarje e rëndë ka ndodhur në Greqi ku nëj foshnjë vetëm 5 muajsh ka ndërruar jetë.
Sipas mediave vendase mësohet se ngjarja ka ndodhur në ishullin e Parosit, ku nëna e foshnjës, shtetase shqiptare, e dërgoi të voglën në Qendrën Shëndetësore pasditen e së dielës.
Foshnja ishte pa ndjenja, me ngjyrë blu, nuk merrte fryme dhe me midriazë ( zgjerimi patologjik ose farmaceutik i bebëzës së syrit). Fatkeqësisht ajo kishte ndërruar jetë dhe ishte ekipi mjekësor të cilët konfirmuan vdekjen.
Oficerët e Policisë menjëherë shkuan në Qendrën Shëndetësore të Parosit ku dhe arrestuan prindërit e foshnjës, të dy me origjinë shqiptare.
Një çështje penale është ngritur për këtë rast, ndërsa ekspertiza mjeko-ligjore e trupit të foshnjës pritet të hedhë dritë mbi shkaqet e vdekjes.
Sipas informacioneve nga protothema.gr, familja, e cila ka edhe tre fëmijë të tjerë më të rritur, kishte shkuar në det herët në mëngjes, ishte kthyer në shtëpi në mesditë dhe foshnja kishte vdekur herët në pasdite.