Çifti i shumëpërfolur Luiz Ejlli dhe Kiara Tito kanë konfirmuar më në fund projektin e tyre të ri kinematografik, duke zbuluar zyrtarisht se kur do të shfaqet për publikun.
Pas muajsh të tërë aludimesh dhe pritjeje nga fansat për një bashkëpunim të tillë artistik, dyshja ka vendosur të ndajë detajet konkrete për filmin që po finalizohet.
Lajmi u bë i ditur përmes rrjeteve sociale, ku ata ndanë njoftimin e shkurtër por domethënës: “Shkurt 2026 në kinema.” Ky projekt, për të cilin çifti ka punuar prej kohësh në heshtje, cilësohet si një ndër më personalët e tyre.
Megjithëse detajet e skenarit mbeten sekret, burime pranë ekipit sugjerojnë se filmi përfshin elemente dramatike dhe romancë, momente të cilat mendohet se janë frymëzuar nga vetë eksperiencat e tyre të përbashkëta.
LEXO EDHE
-
-
-
Ky shënon hapin e parë të çiftit në një projekt të përbashkët filmik, duke ngjallur reagime të shumta te ndjekësit që mezi presin t’i shohin ata së bashku në ekranin e madh pas dy vitesh.
