Rikthimi i çmimit 100,000 euro dhe kutitë e emergjencës
Në shtëpi u futën tre kuti të reja të emergjencës. Ola hapi njërën prej tyre, e cila bëri të ditur një ndryshim të madh: rikthimin e çmimit prej 100,000 euro, por me një përjashtim të madh. Egli dhe Jozi, nëse shpallen fitues, do të mund të marrin vetëm 50,000 euro.
Dy eliminime: Ola dhe Rizarta jashtë garës
Ashtu siç ishte paralajmëruar, mbrëmja e spektaklit solli dy eliminime. Ola dhe Rizarta ishin dy banoret që u larguan nga gara, duke e lënë shtëpinë e BBVIP.
Valbona dhe Laerti ndahen si banorë – në nominim “kokë më kokë”
Laerti dhe Valbonë u vendosën përpara një zgjedhjeje nëse do të vendosnin të ndaheshin si dy konkurrentë të ndryshëm.
Nëse njëri prej tyre do të zgjidhte të ndaheshin, atëherë ata të dy do të dilnin në një nominim kokë më kokë dhe njëri prej tyre do të lërë shtëpinë të martën.
Valbona nuk e pranoi këtë “ofertë”, duke vendosur të ishte një konkurrent i vetëm me Laertin. Nga ana tjetër, ky i fundit e pranoi sfidën për t’u ndarë nga Valbona, kështu që të dy ata kanë shkuar në nominim dhe njëri prej tyre do të largohet të martën.
Rrëfimi prekës i Loredanës: Jeta mes sfidave dhe racizmit
Një moment emocionues i mbrëmjes ishte rrëfimi i Loredanës për fëmijërinë e saj të vështirë.
“Në Itali isha shqiptarja dhe në Shqipëri isha italiania. Në fillore filloi racizmi. Babi filloi të luante me lojëra fati dhe për ne ishte fat i zi. Unë isha vetëm 12 vjeçe, ndërsa mami kaloi në depresion. Fillova unë të bëhesha shtylla e shtëpisë. Kur gjithçka mbaroi, ne të katërt u bëmë ‘Katër Fantastikët’. Ata kanë sakrifikuar çdo gjë për të na rritur ne.”
Gjithashtu, ajo ndau edhe një dilemë të madhe të jetës së saj: “Gabimi im i fundit nuk po më lë rehat. I thashë jo babait për Jozin. Edhe po të ktheja kohën mbrapa, do të bëja të njëjtën gjë. Por a ja vlejti?”
Ribashkimi i Jozit dhe Loredanës: “Dashuria triumfon”
Një nga momentet më të diskutuara ishte ribashkimi i Jozit dhe Loredanës. Pas peripecive të shumta, ata pranuan hapur se e kanë falur njëri-tjetrin dhe se ndjenja mes tyre nuk është shuar.
Loredana: “Nuk e kam mohuar kurrë ndjenjën time dhe nuk do ta mohoj. Nuk ka qenë e thjeshtë kjo periudhë, por e ndjej që ia vlen. Kam ende nevojë për pak kohë.”
Ledion Liço: “A e ke falur Jozin?”
Loredana: “E kam falur.”
Jozi: “Po. Ndihem mirë, por prisja më shumë në ditëlindjen time. Mendoj se kur ka dashuri, ajo triumfon mbi çdo gjë.”
Raporti Egli-Gjesti: Distancë apo pajtim?
Marrëdhënia mes Eglit dhe Gjestit ka qenë e mbushur me ulje-ngritje që pas rikthimit të Eglit në shtëpi. Ndërsa Egli kërkon të qëndrojë në distancë, Gjesti duket se po përpiqet të afrohet.
Gjesti: “Veprimet e mia nuk janë shenja pajtimi, por dua të kemi momente pozitive dhe të mos e shohim njëri-tjetrin me inat.”
Egli: “Nuk kam urrejtje për të, por po përpiqem të mbroj veten. Nuk dua të kem më shumë raport me të.”
Ndërkohë, Rozana komentoi mbi Gjestin: “Nuk luan dot pa një vajzë këtu brenda, asgjë s’ke bërë…”
Mbrëmja e djeshme ishte e mbushur me emocione, përplasje dhe surpriza, duke e bërë garën më të paparashikueshme se kurrë.