Redoni ndau vlerësimin e tij për Eglin, duke e cilësuar atë si një lojtare shumë të fortë.
“Po më duket që ka një kimi me Gjestin dhe ai është shumë pozitiv, shumë i gjallë.
Ndoshta e kanë të dy kiminë. Të dy janë lojtarë shumë të fortë dhe mendoj se do të shkojnë shumë larg. I shoh finalistë të dy”, tha ai.
Duke folur për marrëdhëniet mes banorëve, Redoni tregoi për mënyrën si i sheh dinamikat tani që është jashtë shtëpisë. Ai vuri theksin te respekti për raportet e tjera: “Luizi gjeti grua, Neda gjeti burrë, kurse unë gjeta një motër… Unë diçka që e urrej më së shumti është të futesh mes diçkaje të bukur. Mes atyre po ndodh diçka e bukur. Çfarë ka pasur me mua është diçka që mund të ndodhte, por unë e ndërpreva rrugëtimin. Ndoshta ky ishte gabimi im”.
Kënga e fundit e Redonit, “Dashni me therra”, ka ngjallur diskutime për shkak të ngjashmërisë mes vajzës së klipit dhe Eglit. Por Redoni sqaroi se gjithçka është rastësi. “Kënga është realizuar para se të hyja në ‘Big Brother’. Por është rastësia që e bën të bukur. Mendojnë njerëzit që ia kam dedikuar dikujt, por jo nuk është dedikim”.
Në një moment më personal, Redoni përshkroi cilësitë që vlerëson te një partnere: “E sinqertë, komunikuese, besnike, të ketë disa forma të mira dhe kaq”.
Me një karrierë muzikore në zhvillim dhe një përvojë të veçantë në një nga reality show-t më të ndjekura, Redon Berani vazhdon të jetë në qendër të vëmendjes, duke tërhequr interesin e publikut për çdo hap të tij. /Telegrafi/