Një aksident rrugor ka ndodhur pasditen e sotme në aksin Institut-Kamëz,
ku një automjet ka përplasur një këmbësore teksa po kalonte në vijat e bardha.
Si pasojë e përplasjes, këmbësorja ka mbetur e plagosur dhe është transportuar menjëherë drejt spitalit për të marrë ndihmën e nevojshme mjekësore. Ende nuk dihet gjendja e saj shëndetësore.
Ndërkohë, në vendngjarje kanë mbërritur forcat e policisë dhe grupi hetimor, të cilët kanë nisur hetimet për të sqaruar shkaqet dhe rrethanat e aksidentit.