Ish-moderatorja e emisionit “Wake Up”, Neada Muçaj, ka shprehur hapur pakënaqësinë e saj lidhur me ndryshimet e fundit në programin e mëngjesit, duke shigjetuar drejtpërdrejt zëvendësuesen e saj, Heidi Bacin.
Largimi i saj dhe i Enxhi Nasufit nga Top Channel erdhi pas raportimeve për një konflikt të ashpër fizik mes dy vajzave në ambientet e televizionit, vend të cilin e zuri menjëherë ish-banorja e Big Brother.
Së fundmi, në faqen zyrtare të emisionit, një ndjekës ka lëshuar kritika të forta ndaj Blendi Salajt për këtë bashkëpunim.
LEXO EDHE
-
-
-
“Një gazetar kaq i aftë e uli veten në komerc me Heidin që mezi lidh dy fjalë… nuk na vjen e keqja nga të paaftët, por nga të aftët që promovojnë injorancën,” shkruhej në koment. Ajo që ra në sy dhe mori vëmendjen ishte fakti se vetë Neada e ka aprovuar këtë kritikë, duke i bërë “like” komentit në fjalë.
Ky gjest konfirmon qartë se marrëdhënia mes ish-stafit dhe drejtuesve të rinj të formatit mbetet e tensionuar, ndërsa Neada nuk e ka kapërdirë lehtë zëvendësimin me Heidin.
