U rrëzua teksa ecte në rrugë, humb jetën një person në vend!

Një ngjarje e rëndë është regjistruar mëngjesin e kësaj të enjteje në qytetin e Laçit, ku një 82-vjeçar ka humbur jetën.

Sipas informacioneve paraprake, i moshuari është rrëzuar në rrugë, dyshohet si pasojë e problemeve shëndetësore.

Ai u transportua me autoambulancë drejt spitalit, por fatkeqësisht ndërroi jetë gjatë rrugës.

Laç/Informacion paraprak

Rreth orës 09:30, është rrëzuar në rrugë, dyshohet për shkak të problemeve shëndetësore, shtetasi Gj. M., rreth 82 vjeç. Gjatë transportimit me autoambulancë drejt spitalit, ai ka humbur jetën.

Vijon puna për përcaktimin e shkakut të humbjes së jetës.