Këngëtarja e mirënjohur, Gili, dhe djali i saj, Redoni,1
ishin dy banorët e parë që u larguan nga shtëpia e “Big Brother VIP 4”. Ishte Redoni ai që kishte marrë vendimin pasi nuk ndihej mirë për shkak të dinamikave brenda.
Menjëherë Gili vendosi që të mos e vazhdonte rrugëtimin në shtëpinë më të famshme në Shqipëri pa djalin e saj.
Sikurse e kemi parë, Redoni krijoi një raport mjaft të mirë me Eglin gjatë qëndrimit në shtëpi.
Sakaq, së fundmi, Egli ka përdorur një kapelë të Redonit, që siç duket ky i fundit e ka harruar në shtëpi.
Ajo e ka veshur atë si pjesë të një stili personal të saj dhe ky veprim nuk kishte si mos të binte në sy dhe të komentohej prej ish-banorit.
Ky veprim ka tërhequr vëmendjen e Redonit, i cili nuk ka hezituar të reagojë përmes një postimi në rrjetet sociale teksa shkruan:
“Po e kërkoja kapelën, ndërkohë…”, duke e shoqëruar me një zemër të zezë.