“Big Brother VIP 4” ka përfunduar, por buja rreth banorëve vazhdon ende.
Ndër personazhet më të përfolur të këtij sezoni ishte këngëtarja Egli Tako. Ajo tërhoqi shumë vëmendje, jo vetëm për lojën e saj, por edhe për lidhjen me Gjestin, një tjetër banor i shtëpisë.
Përveç kësaj lidhjeje, Egli u komentua gjerësisht edhe për afrimin e saj të shpejtë me Redonin, djalin e këngëtares së njohur Gili. Kujtojmë që Redoni qëndroi vetëm pak ditë në shtëpinë e BBVIP dhe vendosi të largohej së bashku me nënën e tij, me dëshirën e tyre.
Herë pas here, Redoni ka dhënë sinjale që mund të jetë duke e pritur Eglin jashtë shtëpisë, por me hyrjen e Gjestit, duket se dinamika ndryshoi.
Së fundmi, dy foto të postuara nga Redoni dhe Egli kanë trazuar rrjetin. Ajo që ka rënë në sy është përdorimi i të njëjtit emoji në “story”-t e tyre, të publikuara në të njëjtën kohë.
A është ky një sinjal që Egli ka hequr dorë nga Gjesti dhe tashmë është në krahët e Redonit? Kjo mbetet për t’u parë, pasi asgjë nuk është konfirmuar.
