Një trup i pajetë është gjetur paraditen e sotme në rrjedhën e lumit Shkumbin, Elbasan, pranë zonës së Katundit të Ri.
Bëhet me dije se trupi, ende i paidentifikuar, është konstatuar rastësisht nga një peshkatar i zonës, i cili ka njoftuar autoritetet. Sipas informacionet paraprake nga vendngjarja, kufoma ndodhet në zonën pranë ish-Metalurgjikut, një terren i vështirë, ndërsa është kërkuar ndihma e polumbarëve për nxjerrjen e tij.
Aktualisht polumbarët dhe shërbimi zjarrfikës janë në veprim për të mundësuar tërheqjen dhe transportimin e trupit drejt morgut të spitalit rajonal.
Ende nuk dihet nëse bëhet fjalë për një mbytje aksidentale apo një ngjarje me motive kriminale, ndërkohë që pritet kryerja e ekspertizës mjeko-ligjore për të bërë të mundur identifikimin e viktimës.
Ndërkohë, autoritetet u bëjnë thirrje qytetarëve që kanë dijeni për ndonjë person të zhdukur, të kontaktojnë menjëherë strukturat përkatëse.
Pas ketij lajmi te trishte, nje tjeter trup i pajete u gjete ne lumin e Bunes.
Një i moshuar është gjetur i pajetë pasditen e kësaj të hënë. Policia e Shkodrës njofton se rreth orës 14:30, në fshatin Muriqan, në lumin Buna, është gjetur i pajetë shtetasi me ininciale S.Gj, rreth 70-vjeçar, banues në Tiranë.
Nga këqyrja paraprake e trupit nuk janë konstatuar shenja dhune apo dëmtime të tjera.
Grupi hetimor vijon punën për përcaktimin e shkakut të humbjes së jetës dhe dokumentimin e rrethanave të këtij rasti.
Njoftimi i plotë i Policisë:
Shkodër/Informacion paraprak
Rreth orës 14:30, në fshatin Muriqan, në lumin Buna, është gjetur trupi i pajetë i shtetasit S. Gj., rreth 70 vjeç, banues në Tiranë.
Nga këqyrja paraprake e trupit nuk janë konstatuar shenja dhune apo dëmtime të tjera.
Grupi hetimor vijon punën për përcaktimin e shkakut të humbjes së jetës dhe dokumentimin e rrethanave të këtij rasti.