Ka shkuar në dy numri i viktimave nga aksidenti i ndodhur mbrëmjen e djeshme në Has, konkretisht në rrugën Has-Golaj, ku dy automjete tip Benz u përplasën me njëra-tjetrën.
Mbrëmjen e djeshme (8 shtator) Policia e Kukësit njoftoi se si pasojë e aksidentit mbeti i vdekur në vend një nga drejtuesit e automjeteve Benz, shtetasi me iniciale N. S.
Ndërsa sot në mëngjes u raportua se ka ndërruar jetë në spital edhe një nga pasagjerët.
Njoftimi i policise dje (8 shtator)
LEXO EDHE
-
-
-
Krumë/Informacion paraprak. Rreth orës 19:50, në aksin rrugor Krumë-Golaj, shtetasi N. L., duke drejtuar automjetin tip “Benz”, është përplasur me automjetin tip “Benz”, me drejtues shtetasin N. S., dhe pasagjer shtetasin Z. N.
Si pasojë e aksidentit ka ndërruar jetë drejtuesi i mjetit, shtetasi N. S., si dhe kanë mbetur të lënduar drejtuesi tjetër i automjetit, shtetasi N. L., dhe pasagjeri shtetasi Z. N., të cilët po marrin ndihmë mjekësore në spital dhe ndodhen jashtë rrezikut për jetën”,- njoftonte dje policia.
