Pak pas mesnate rreth orës 23:50, një tragjedi ka ndodhur në Fushë -Prezë në aksin Fushë-Krujë-Vorë, ku një automjet është përplasur me një betoniere në fshatin Fushë-Prezë, e si pasojë kanë humbur jetën 4 persona.
Si pasojë e përplasjes së rëndë, kanë humbur jetën të rinjtë: Enejdi Laçi, Erildi Laçi, Enrikejd Kurti dhe Andi Laçi.
Lidhur me këtë aksident fatal, janë zbardhur detaje të reja, ku humbën jetën katër të rinjtë Enejdi Laçi, Erildi Laçi, Enrikejd Kurti dhe Andi Laçi.
Burime nga hetimet konfirmojnë se; aksidenti ndodhi kur Benz-i me të cilin udhëtonin të rinjtë goditi nga pas një betoniere, e cila sapo kishte dalë nga një pikë betoni dhe ishte futur në rrugë.
Makina shpërtheu menjëherë në flakë, duke e bërë të pamundur ndërhyrjen e shpejtë për shpëtimin e viktimave.
Tre të rinjtë që shihni në foton e mësipërme janë dy vëllezërit Enejdi dhe Erildi Laçi, përkatësisht 25 dhe 20 vjeç, si dhe 24-vjeçari Enrikejd Kurti.
Ata humbën jetën në aksidentin tragjik të regjistruar mbrëmjen e djeshme në aksin Fushë Krujë-Vorë, në Fushë-Prezë, bashkë me 22-vjeçarin Andi Laçi.
Katër të rinjtë kanë qenë duke udhëtuar me një automjet tip “Mercedes Benz”, i cili u përplas me një betoniere. Pas aksidentit, mjeti shpërtheu në flakë.
Mësohet se pranë vendit ku ndodhi ngjarja tronditëse ndodhej pika e betonit dhe betonieria sapo kishte dalë në rrugë. Mjeti ka qenë në lëvizje, kur Benz-i ku udhëtonin viktimat ka ardhur nga pas dhe e ka goditur.
Drejtuesi i betonieres, shtetasi Aleksandër Krrashi, 24 vjeç, fillimisht u arratis në këmbë nga vendi i ngjarjes, por më vonë u kap nga Policia dhe u shoqërua në komisariat.
Mjeti “Mercedes Benz” u konstatua duke u djegur nga efektivët e shërbimit të qarkullimit rrugor rreth orës 23:50, dhe pranë saj edhe betonieren. Në vendin e ngjarjes shkoi një mjet zjarrfikës i Kamzës, por nuk e shmangu dot fatalitetin, pasi 4 të rinjtë ishin djegur brenda mjetit.
