Superylli kolumbian, Shakira ka njoftuar anulimin e koncertit të saj në Lima të Perusë. Shkak është bërë gjendja shëndetësore e këngëtares.
Ajo është shtruar në spital pas një problemi me stomakun. Këngëtarja ka ndarë një postim në Instagram, ku ka shprehur keqardhjen për anulimin e shfaqjes duke thënë se mjekët i kanë këshilluar që të mos performojë.
“Jam shumë e trishtuar që nuk do të mund të ngjitem në skenë sot. Jam thellësisht e prekur dhe e emocionuar që do të më mungojë takimi me publikun tim të dashur peruan,” – ka shkruar Shakira në postimin e saj.
Këngëtarja mbërriti në Peru të premten mbrëma, ku ishte planifikuar të performonte gjatë fundjavës së kaluar, me dy koncerte të caktuara për të dielën dhe të hënën.
Këngëtarja po bën turne në mbështetje të albumit të saj të fundit, Las Mujeres Ya No Lloran, i cili trajton tema personale, përfshirë divorcin e saj të shumëpërfolur nga Gerard Pique.