Të gjithë tashmë e dini se Heidi Baci do të jetë moderatorja e re e “BBV Fan Club”.
v
Ndërsa urimet për të ishin të shumta, po atë ditë një reagim i Roza Latit ngriti dyshimet dhe ndezi rrjetin për një hatërmbetje të mundshme lidhur me emisionin.
“S’di ç’të them…di veç të them që më është shpif televizioni”, shkroi Roza në një postim me foton e një ekrani të thyer që u mor si një ‘thumb’ për Heidin ose produksionin e BBV.
Me sa duket dyshimet në rrjet nuk ishin të kota pasi së fundmi, burime për “Panorama” kanë mësuar se moderimi i “Fan Club” ishte caktuar pikërisht për Rozën.
Madje disa javë më parë, moderatorja kishte bërë edhe një audicion, në këtë format, duke u përgatitur kështu që të merrte përsipër spektaklin. Por teksa Roza ka qenë duke u përgatitur për të nisur, emri i Heidit ka dalë nga hiçi, shkruan Panorama.
Ndonëse në Itali, Heidit i ka shkuar ftesa për të moderuar formatin, duke larguar kështu Rozën nga “Fan Club”, lëvizje kjo që ka sjellë pakënaqësi tek kjo e fundit.
Nga ato çfarë është mësuar, Roza ka pasur përplasje me një pjesë të stafit, duke iu kërkuar llogari për këtë vendim. Megjithatë, emri i Heidit u formalizua shumë shpejt, duke mos lënë vend për të tjera debate.
Nga ana tjetër, Heidi ka preferuar që mos të ketë asnjë reagim për Rozën, as të drejtpërdrejtë dhe as në rrjet, duke u fokusuar vetëm tek rikthimi i saj në ekran. Nuk dihet ende se përse ajo ka vendosur të rikthehet, kur sapo kishte rinisur me jetën e saj, aty ku e la përpara se të vinte në Tiranë, rreth 1 vit më parë.