Një ngjarje e rëndë dhe e mbushur me dhimbje është zbuluar në një fshat të thellë malor të Librazhdit,
ku brenda mureve të një shtëpie të rrënuar nga varfëria, fshihet një dramë që ka shokuar komunitetin.
Familja, e cila jeton në kushte ekstreme dhe pa praninë e babait që ka ndërruar jetë dy vite më parë, është bërë qendra e një historie abuzimi të frikshëm.
Nëna, e cila rrit e vetme tre fëmijë, ka pranuar mes dilemash se vajza e saj e vogël,
LEXO EDHE
-
-
-
vetëm 8 vjeçe, dyshohet se është prekur dhe ngacmuar rregullisht nga dy vëllezërit e saj më të mëdhenj, 18 dhe 14 vjeç.
Alarmi u ngrit pas qarkullimit të një videoje me përmbajtje të rëndë te banorët e fshatit, e cila implikonte djemtë në veprime të papranueshme ndaj motrës së mitur.
Ndonëse nëna është përpjekur ta menaxhojë situatën brenda mureve, frika nga opinioni dhe pafuqia e kanë bërë të dorëzohet.
Më tronditës është fakti se institucionet arsimore, përfshirë psikologen e shkollës,
kishin dijeni për rastin prej dy muajsh, por e kishin trajtuar problemin si pasojë e varfërisë dhe “mungesës së inteligjencës” së nënës, pa ndërhyrë për të mbrojtur të miturën.
Pas ndërhyrjes së “Piranja-ve” dhe presionit ndaj Bashkisë Librazhd, Policia e Shtetit ka arrestuar djalin 18-vjeçar.
Megjithatë, rreziku mbetet ende prezent, pasi vëllai tjetër 14-vjeçar, për shkak të moshës, është lënë i lirë dhe vazhdon të jetojë nën të njëjtën çati me motrën e vogël dhe nënën.
Burimi: Piranja TV
