Ish-banori i “Big Brother VIP Albania” Jozi Marku ka rrëfyer diçka më shumë rreth raporteve me Loredanën si dhe rreth njohjes së shumëpërfolur me Valbonën.
Në një intervistë për “Top Albania Radio”, Jozi është shprehur se është mërzitur shumë që Loredana hoqi unazën dhe se u ndikua nga ajo çka pa në prime. Ai shprehet se pëlqimi për të ekziston por tashmë duhet të njihen jashtë për të parë sesi kjo marrëdhënie do të vijojë më tej.
Ndër të tjera ai thotë se unazën harron ta vendosë dhe se nuk është çfarë e mban të lidhur me Loredanën.
“Kjo këngë nuk është vetëm për Lorin, unë jam këngëtar. Tiri qenka donzhuan, por i mungonte burrëria.
Unaza nuk është ajo që më mban të lidhur me Lorin. Në shtëpi e kam unazën, unë e harroj shpesh sepse nuk jam mësuar. Tani e harroj shpesh. U mërzita kur Loredana e hoqi unazën, u mërzita shumë.
Dasma me Lorin kujtim i paharrueshëm. Dasma është kapaku i gjërave. Nuk i dihet si shkojnë gjërat por është krijuar ai pëlqimi, por mbetet për tu parë jashtë për tu njohur. Do t’i kisha ftuar ata që kisha edhe aty brenda në dasëm. Divanin blu nuk do ta kisha ftuar”, është shprehur ai.
Jozi ka sqaruar dhe deklaratën e dhënë në emison, ku u shpreh se këtë Big Brother e merion ta fitoja Danja. Ai sqaroi se ajo është një lojtare shumë si dhe deklaratën e ka dhënë pasi Lori theu kutinë e emergjencës për të marrë informacion nga jashtë mbi njohjen e tij me Valbonën, ku sipas tij ajo duhet të priste që të vërtetën ta dëgjonte nga Jozi.
Gjithashtu ai ka treguar dhe raportin e me Valbonën duke theksuar se e ka vetëm shoqe dhe asgjë më shumë. Ata njihen së bashku prej shokut të ngushtë të Valbonës, të cilin kjo e fundit e konsideron si vëlla.
“Danja është lojtare shumë e mirë, meriton shumë e kam thënë atë pjesën e Lorit për shkak se nuk u ndjeva edhe mirë për atë thyerjen e kutisë pasi ajo nuk besoi atë që i kisha thënë dikur në marrëdhënien time me Valbonën, ajo e theu dhe nuk priti ta merrte vesh jashtë.
Valbonën gjithmonë e kam cilësuar shoqen time, nuk e kam parë kurrë me atë shikimin tjetër. Njiheshim pak, pastaj aty në shtëpi jemi afruar, ka kontribuar në qëndrimin tim në shtëpi. Neve na lidh një shok i përbashkët, valbona e ka si vëlla, ky na ka lidhur me njëri-tjetrin”, tha Jozi.