Dy persona janë transportuar në spitalin e Lushnjes me lëndime pasi një mjet tip Volksvagen
ka dalë nga rruga në autostradën Lushnje Fier. Ngjarja në afërsi të fshatit Lumth ku mjeti i drejtuar nga një 30 vjeçare
ka dalë nga rruga dhe ka përfunduar mbi kanalin e betontë. Si rezultat i përplasjes ka mbetur e plagosur drejtuesja e mjetit
dhe një tjetër bashkudhëtare e saj. Të dyja janë marrë me ambulancë dhe po mjekohen në spitalin e Lushnjes.
Policia në vendngjarje po punon për zbardhjen e shkaqeve ndërkohë që nga të dhënat paraprake dyshohet se drejtuesja e mjetit ka humbur kontrollin si rezultat i shpejtësisë së lartë.